< <

<

Osmanjan Sawut

Bextiyar oghlungmen peqet sanga xas,
Sen mini bir uyul zerrem dep sana .
Bergingmen, qetrengmen weslingge tutash,
Korsitey yürügüm qolumda, mana .
Sen üchün jush urghan qaynaq eqidem,
Zihnimni uchlaydu, bolimen dana .
Yashaymen soygü we pexir ilkide,
Xislitim, soygümge sen boldung ana !
Yürügüm qolumda, tutimen sanga,
Ana yer, bir isil alemsen manga !

Sayidek xiyallar qozghighan hewes,
Bir qiya qaratsa ger mini yatqa .
Biqarar japalar sewrimni yingip,
Qistisa okunush , nale - peryatqa ;
Guzerde qarisam teejqup ichre,
Zer libas ejnebi yaki seyyahqa .
Quyulghay kozlirim bolup gunakar,
Insanliq süpitim chiqsun berbatqa!
Yürügüm qolumda, tutimen sanga,
Ana yer, bir isil alemsen manga !

Chigrisiz oyümning chigrisi polat,
Gheyri oy urulsa bolur u talqan .
Izitqu jilwiler üzgen oqlargha,
Sen bergen muhebbet bolidu qalqan .
Belgisiz yutküchi omrümge belge,
Siningde aqqan ter,qapar ghan alqan .
Sendiki her tanggha pütülgen bextim,
Hayati nurlarni weslige tangghan !
Yürügüm qolumda, tutimen sanga,
Ana yer, bir isil alemsen manga !

Taj - tilla gul qilip igelmes mini,
omrümning wezni hem jilasi sende .
Qulluqni soksemmu qaghap, qarilap,
Qulungmen ebediy, birsanga bende .
Tebessum taritay yültuzlargha men,
Yalang gül kebimen qilimen xende .
Nepisim ayrilmas ipar hawangdin,
Dimekki taghdek zor qudret bar mende .
Yürügüm qolumda, tutimen sanga,
Ana yer, bir isil alemsen manga !

Bextichün mizan bar herkimde tehqiq,
Buchigish, ming putaq, talay xil biraq .
Ishrette olcheydu beziler uni,
Bexttin qiqilip asmanche yiraq .
Beziler deyduki, bext digen shu,
Aynimu let qilghan ay ten, ay siyaq .
Alemning hikmiti alemni émish,
ozgisi tanglaygha tashlaydu qiyaq .
Men deymen bext dep sining weslingni ,
Ishqimni tawlaydu sen salghan piraq .
Bexttur kichiler basqanda sini,
Jismimni pilik qip yandursam chiraq .
Yürügüm qolumda, tutimen sanga,
Ana yer, bir isil alemsen manga !

Menggülük risqi bar sende ewlatning,
Hawa, su baghringda yatqan, pak pewes .
Méshimde komür emes yanar yürikim,
Hettaki awaylap alimen nepes .
Bihude tokkenler tamche süyüungni,
Bilimen, wapadar perzenting emes .
Korelmes sendiki chin güzellikni,
Nepsining koyida yürgen mes - eles .
Yürügüm qolumda, tutimen sanga,
Ana yer, bir isil alemsen manga !

Ihtiyaj tughulsa, amanlighingchün
Bermini qazagha, bergin xeyrige .
Oghlüngmen tughulghan bextingchün jengge,
Xiridar emesmen bezme, seylige .
Aq yolluq qesembu aq niyet tuqqan,
Oxshaydu qardiki appaq leylige .
Azarlar yisemmu pey mijezlerdin,
Pükmesmen qeddimni baqmay meylige .
Yürügüm qolumda, tutimen sanga,
Ana yer, bir isil alemsen manga !

Erimes qehrimni alar peqetla
Yat iqlim ishqida orten'gen sayaq .
Olgini herkimning yaqa yerlerge
Siningdin qol üzüp tashlisa ayaq .
Kelgindi atilip kelgindilikte,
Tapqan zer, jezmenki, bashqa dert - tayaq .
Ming ela tozidin xeqning, sendiki
Qushqachlar shaxlargha tashlighan mayaq .
Yürügüm qolumda, tutimen sanga,
Ana yer, bir isil alemsen manga !

Shu mining eqidem, oter ilkide,
Omrümning her bergi - deqiqem , sotkam .
Ming jennet rahitidin biridu manga,
Lay suwaq oyüm we qiyshayghan botkam .
Bayliqim - dildiki sanga muhebbet,
We sadiq hemrayim qelem, chish chotkam .
Xeqlerning minnetlik éshidin ela,
Ozemning qazini bergen ash, botqam .
Yürügüm qolumda, tutimen sanga,
Ana yer, bir isil alemsen manga !