< <

<

Abduréhim Ötkür


Komush kebi yaltiraq, merwayittek parqiraq,
Bir choqqa bar asman'gha meghrur beshi taqashqan,
Uning eti Hantengri, Tengri Taghqa jaylashqan.
Meshriqtin chiqsa aptap, hemmidin awal bashlap,
Shu choqqini soyidu, mengzige yeqip mengzin,
Otup uning qeshidin, gherpke mangar andin.
Keche bolsa tolun'ay, otmeydu unda qonmay,
Yette yultuz hem Muker, Zuhel bilen Mushteri,
Yoqlap otidu uni, tazim qilip her biri.
Erimeydu qish yezi, aq seyidek qar-muzi,
Kokrikige taqaqliq tebietning erkisi,
Tashni yerip chiqqan u, mojize - qar leylisi.
Shunglashqimu bu choqqa, korinidu kozlerge,
Ot echilghan gul kebi,
Yaki bahar kunliri, aqqu qon'ghan kol kebi,
Buni bilemy bir janap, Hantengrige bir qarap,
dep tashlidi - " bu choqqa, yiraqtin qarimaqqa,
Ohshaydiken el bolghan qoshun tutqan bayraqqa."
Hantengri buni anglap, kulwetti qah-qahlap.
Dedi - " nede chong bolghan beshi qapaq janapsiz?
Qulaq seling qalmighay bu gepingiz jawapsiz.
Der weqe aq men ozum, saqal, chechim hem yuzum,
Lekin hergiz emesmen siz eytqandek aq bayraq,
Tebiitim-mijezim aq bayraqtin bek yiraq.
Adem ata hem hawa, jennettin chiqqan chaghda,
Tunji toghulghan oghli men edim bu ziminde,
Boz echip, uruq chachqan yeshil wada Tarim de.
Mahim kemisi Topanda, yol tapalmay azghanda,
Aghzimgha zeytun chishlep barghan kepter men edim,
Hayatliqning nishani ashu hewer men edim.
Qosh mung'guzluk iskender, bashlap kelgende heter,
Uning oter yolini tosap qoyghan men edim.
Yipek yudigen karwan qongghuraq jaranglatqan,
Eshu qedim yollarda hem qoruqchi pasiwan,
Ash-tuz berip karwan'gha hem bolghandim sahiphan.
Ey janabi mohtirem, bilip qoyung shuni hem,
Tarih digen kitapning heti mende putulgen,
Ni-ni chigish tugunler mening bilen yeshilgen.
Qeghez, kompas, metbe'e, dora digen mojize,
Mendin otup jahan'gha taralghan hem kingeygen.
Medeniyet boshugin oz qolumda tewretken,
Dimek ta el-misaqtin, bilim bar hem uzaqtin,
Shunga beshim aqarghan hetta keygen tonum aq,
Lekin ozum emesmen siz eytqandek aq bayraq.
Bu keng zemin wetinim, alma baghliq jan-tenim,
Chach-saqalning aqlighi tarih-esirning uli,
Kokke taqashqan beshim shu wetenning simwoli.
Qara bulut tossimu, chaqmaq kelip soqsimu,
Egilmestin bu beshim, meghrur turar hemme waq,
Qandaq qilip men emdi bolup qalay aq bayraq?!
Qelbim qizil choghdur, qizil tughni koturup,
Ketiwatsam merdane, naxsham ghalip yangraq,
Qaysi yuzingiz bilen meni deysiz aq bayraq? ...."