< <1848 - Yilidin 1949 - yilighiche shinjanggha reis bolghanlar tizimliki <

<

Miladi -1878 yili yaqupbeg ( bedölet )ning” yette sheher “hakimiyiti tarmar qilin'ghandin kéyin , zozungtangning teklipi boyiche ching sulalisi hökümiti 1884- yili ( guangshüyning 10- yili ) shinjangni resmiy yosunda” shinjang ölkisi “qilip qurup chiqti . Shuningdin étibaren 1949- yili shinjang tinch azad bolghan'gha qeder 65 yil ariliqta shinjang ölkisige seyyare silawchi we reis bolghanlarning isimliki we yilnamisi töwendikiche :

1884- Yili ( guangshüyning 10- yili ) shinjang resmiy ölke bolup qurulghanda , ching sulalisi hökümiti lyujingtangni shinjang ölkisige tunji seyyare silawchiliqqa teyinlidi .

1889- Yili ( guangshüyning 14- yili ) lyujingtang ruxset sorap ichkirige qaytqandin kéyin , uning ornigha wéy guangtaw muweqqet seyyare silawchiliqqa teyinlendi .

1891- Yili ( guangshüyning 17- yili ) ching hökümiti shenshi walisi tawmuni shinjang ölkisige seyyare silawchiliqqa teyinlep ewetti .

1895- Yili ( guangshüyning 21- yili ) shinjangning memuriy walisi ruyinji östürülüp tawmuning ornigha seyyare silawchi boldi .

1902- Yili ( guangshüyning 28- yili ) shinjangning permanchisi fen shawsu östürülüp ruyinjining ornigha shinjangning seyyare silawchisi bolup teyinlendi .

1905- Yili ( guangshüyning 31- yili ) ching hökümiti enxuyning seyyare silawchisi lenkuyni shinjang ölkisining seyyare silawchiliqigha teyinlidi .

1910- Yili ( shüentongning 2- yili ) sendung ölkisining seyyare silawchisi yüen daxuani shinjang ölkisining seyyare silawchilighigha teyinlidi .

1912- Yili ( min'guning 1- yili ) yüen daxua ruxset sorap ichkirige qaytqandin kéyin béyjing hökümiti ürümchi walisi , qoshumche mupettish yang zéngshinni shinjang ölkisining tutuqi qilip teyinlidi .

1928- Yili ( min'guning 17- yili ) yang zéngshin fen yawnen teripidin étip öltürülgendin kéyin , ichki ishlar naziri jin shurin fen yawnenni yoqitip ,yang zéngshinning ornigha hakimiyet béshigha chiqip shinjang ölkisining reisi boldi .

1933- Yili ( min'goning22- yili-12” ( april siyasi özgürüshi “de jin shurin hakimiyiti aghdurulup , uning ornigha shéng shisey hakimiyet béshigha chiqip ,“ doben “nami bilen ish yürgüzdi . Bu chaghda ölke reisi li rong , muawin reis xojiniyaz haji boldi . 1938- Yiligha kelgende shéng shisey reis , muawin reislerni biraqla qolgha élip yoqitip , özi hem doben hem reis bolup , pütün hoquqni qoligha éliwaldi .

1944- Yili ( min'goning 34 - yili ) 9 - ayda shéng shisey shinjangdin kétishke mejbur bolup , wezipisini jushyawlyanggha waqitliq tapshurghandin kéyin , qorchaq nenjing hökümiti wu jongshinni ölke reisi qilip ewetti .

1946- Yili 7- ayning 1- küni gomindang hökümiti terep bilen üch wilayet inqilawi hökümiti otturisida 11 maddiliq tinchliq bitim imzalan'ghandin kéyin , démokratik birleshme hökümet quruldi , ölke reislikige jang jijong ( qoshumche ) , muawin reislikke exmetjan qasimi bilen burhan shehidi saylandi .

1947- Yili 5- ayda gomindang hökümiti11” bitim “ge xilap halda bir tereplimilik qarar maqullap , ölke reislikige mesut sebirini teyinlidi . Shuning bilen 11”bitim “buzulup , birleshme hökümet parchilandi .

1949- Yili 1- ayda mesut sebiri reisliktin qaldurulup , burhan shehidi ölke reisi , muhemmet imin bughra muawin reis bolup teyinlendi . Shu yili 9- ayning 25- küni shinjang ölkilik hökümiti guangju qorchaq gomindang hökümitidin munasiwitini üzüp , shereplik halda tinich heqiqetke ötüp , junggo kommunistik partiyisining rehberlikini qobul qildi .

Izahat : yuqarqilar shérip xushtarning” shinjang yéqinqi zaman tarixidiki meshhur kishiler “namliq kitabining kirish söz qismidin élin'ghan .